منتدى ولا اروع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى ولا اروع

منتديات ولا اروع
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخول  

 

 تَرى الكذآب يروح النـآر..!

اذهب الى الأسفل 
2 مشترك
كاتب الموضوعرسالة
شـهـد

شـهـد


عدد الرسائل : 4
العمر : 30
تاريخ التسجيل : 20/08/2008

تَرى الكذآب يروح النـآر..! Empty
مُساهمةموضوع: تَرى الكذآب يروح النـآر..!   تَرى الكذآب يروح النـآر..! Icon_minitimeالأربعاء أغسطس 20, 2008 1:05 pm

ـآلسـلآم عليّـكمـ
اخبـآركم حبـآيبي ..؟
ان شـآء الله الك ـل بخيّـر وصح ـهـ ..

كَلمـآت عجبتنـي ..
وان شـآء الله ترتقـيّ لذآئقت ـكم..

على ذاك الرصيف اسهر و اناجي بكل الجنون ( القار )
اكلم شارع ٍ خالي سواده من سواد الليل


ترى ماهو فَلَس ولا بقلبي قـلّـت الأشعار
و لكن واقعي يفرض علي اكتب بلا تعديل


انا راح العقل مني و عندي للجنون اعذار
معاناتي اذا بوصف .. تفوق الوصف و التعليل


من اللي قد وقف مثلي يواجه لعنة الأقدار ؟
رضى يبقى و يتحمل .. عشر اضعاف همه يشيل


من اللي ثبت اقدامه يقاوم شدة التيار ؟
و يعرف ان النخل و هو النخل راح و جرفه السيل


من اللي حب له طفله و حلم من يوم كانوا صغار
يتوج حبه بفرحه .. و امه تحضنه بتهليل


يمر الوقت و سنينه تمر و يستوون كبار
ويتغرب لجل حلمه .. يسابق كل شباب الجيل


و يرجع رافع ٍ راسه بعد ما صار هو طيار
و بقى من حلمه الوردي زفافٍ يرفض التأجيل


يجيها يقول حان الوقت .. تعالي نكشف الأسرار
طفح كيل الصبر ما عاد في صبري و صبرك كيل


و يذكرها بوقت صار مع مر الزمن تذكار
بأيام الطفوله يوم يغرقها غلا و تدليل


يمازحها و تردد له ( ترى الكذاب يروح النار )
يجافيها و تهمس له ( أعرف ان الجفا تمثيل ) !


و تدمع عينهم لثنين .. يهلون الدمع مدرار
ترى الذكرى ولو حلوه .. طواريها تهد الحيل


و تسرح في وسط عينه .. تفكر .. تترجف .. تحتار
يسألها عسى ما شر ؟ ... و يطيح من ايدها المنديل


و تنزل عالركب و تقول .. تسامحني على اللي صار ؟
حشا والله ما خنتك .. و لكنه حصل تبديل


تراها غيبتك طالت و تدري وقتنا غدار
كبرت .. و خفت تتأخر .. و خير البر بالتعجيل


و يشهق .. يلمح الخاتم .. يحس القاع تحته دار
ولا يستوعب الموقف بليا شرح او تحليل


يسود الصمت .. ولا كلمه .. و نظره كلها استنكار
شلل صاب اللسان و صاب كفين العتب تكبيل


دقيقه تمر .. طعمها مر .. نهاية عمر .. موت ازهار
خسارة حب .. ضياع فـ درب .. نار تشب .. عذاب و ويل


و يسرح .. لو بعيده تهون .. و لكن كيف بنت الجار !!
و يكسر صمته بصرخه .. تعدت في مداها سهيل


و يفقد وعيه و ينزل على قاع الثرى منهار
مصيبه كيف يتحمل ؟ .. ترى ما بالأمر تسهيل


ما بينه و بين غرفتها .. ممر ٍ و نْخله و جدار
و هذا اللي يعذبه و يزود طينه بتبليل


يشوف اللي سرق عمره .. سكن وياها نفس الدار
غدى جار ٍ و له حق ٍ نزل في محكم التنزيل


و يتخيله يغازلها و يقول انه عليها يغار
و يتردد صدى همسه و لمسه و ضحكه و تقبيل


يناظر دارها و فكره ورا ذيك الستاير حار
و شباك الهوى عتمه بعد ما زادوا التظليل


يقرر زوجها يبني و يرفع مستوى الأسوار
و يتصرف على كيفه .. عنده منهم توكيل


و مكسور الجناح اللي بلا ذنب ٍ يذوق امرار
يصارع حسرته و يجر بعد ذيك الهزيمه ذيل


يفكر كيف طاوعها الضمير تكون شي ٍ ضار
بعد ما كانت لعمره عمر يحسب مداه طويل


خذت كل ما بقى منه .. و من عقله خذت الأفكار
و برواز الوعد مايل .. خذته تخاف قال و قيل


عطت بروازه لغيره .. و خلت في الحشا مسمار
و آخر كلمه قالتها .. رجاءاً ما ابيك تعيل


و رد بكل غضب يسأل ... تحسبيني من اهل الثار؟
انا وقتي غدى ملكي .. و لا يتحمل التعطيل


وداع الله .. و اذا بعدك مرض .. ايماني العطار
انا لي رب ما يهمل .. بقرا كتابه بترتيل


و اذا كانت مسافات المنازل بيننا اشبار
بخليها سفر ايام .. و اساوي كل شبر بميل


و اذا قالوا علي مجنون .. او ملبوس و صابه زار
يناجي شارع ٍ خالي لوحده في توالي الليل


بقول ان الجنون ارحم .. كتبت من الجنون اشعار
و صدق اشعاري يتحدى الذي قال الشعر تمثيل


و اعيش العمر ارددها ( ترى الكذاب يروح النار )
براءه كانت الجمله .. و لكنه حصل تبديل


حكاية عمري من يوم الطفوله لين صرنا كبار
في هذي الصفحه شفتوها و عايشتوها بالتفصيل


ابي شخص ٍ ينورني .. و من ابياتي بس يختار
حرف ٍ ما شكى من هم .. و يبشر مني بتعديل


بعدها بعلن افلاسي .. و بترك عالم الأشعار
لأني ما قدرت اعطي لحزني في الشعر تعليل


و برجع للسرير اللي من غيابي شكى محتار
و اريح عين شوهها سواد ٍ يشبه التكحيل


و في آخر بيت بسألكم .. عرفتوا ليش اناجي القار ؟
قولوا للثريا من تناجي لو خذلها سهيل

/

شـهـد

الرجوع الى أعلى الصفحة اذهب الى الأسفل
الدكتور
المشرف العام
المشرف العام
الدكتور


عدد الرسائل : 102
العمر : 36
الموقع : في بيتنا
العمل/الترفيه : عاطل عن العمل بس أدرس يعني
المزاج : أحلى شيء
تاريخ التسجيل : 25/07/2008

تَرى الكذآب يروح النـآر..! Empty
مُساهمةموضوع: رد: تَرى الكذآب يروح النـآر..!   تَرى الكذآب يروح النـآر..! Icon_minitimeالأحد أغسطس 24, 2008 6:46 pm

وعليكم السلام ,,

يعطيك العافية شهد ما قصرتي

كلمات جميلة جداً alien

تحياتي الحارة ,,

الدكتور
الرجوع الى أعلى الصفحة اذهب الى الأسفل
 
تَرى الكذآب يروح النـآر..!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ولا اروع :: الأدبي-
انتقل الى: